१० भदौ, काठमाडौं । नेपाली कांग्रेसको भातृ संगठन नेपाल तरुण दलका नेता दिनेश गुरुङ लागुऔषध कारोवारको अभियोगमा पक्राउ परेका छन् ।
ब्युरो स्रोतका अनुसार गत चैतमा लागूऔषध एमफेटामाइन कारोवारको आरोपमा पक्राउ परेका नेत्र गुरुङ र चित्र तामाङले दिएको बयानका आधारमा दिनेश तामाङ भनिने दिनेश गुरुङ पक्राउ परेका हुन् ।
थाइल्याण्डमा बसेर एमफेटामाइनको कारोवार गर्दै आएका धर्म पाख्रिनले पठाउने एमफेटामाइन धर्मकै भाइ पुर्ण पाखि्रन र धादिङ तरुण दल अध्यक्ष दिनेशले बिक्री गर्ने गरेको खुलेको ब्युरो स्रातले बताएको छ ।
धादिङ मार्पाकका गुरुङ विगतमा प्रहरी कार्वाहीमा मारिएका गुण्डा नाइके दिनेश अधिकारी ‘चरी’को समूहमा थिए ।
ब्युरो स्रोतका अनुसार चरीको समुहमा सक्रिय हुँदा नै गुरुङले लागुऔषध कारोवार गरेका प्रहरीको भनाइ छ । विषेश गरेर धादिङमा उत्पादन हुने चरेस थाइल्याण्ड पठाउने र थाइल्याण्डबाट एमफेटामाइन नेपाल ल्याउने धन्दामा उनी सक्रिय रहेको प्रहरीले जनाएको छ ।
केहि महिना अघिमात्रै धादिङको तरुण दल अध्यक्षमा निर्वाचित भएका गुरुङले आफ्नो फेसबुक पेजमा कांगे्रस सभापति शेरबहादुर देउवा, यातायातमन्त्री रमेश लेखकलगायतका नेताहरुसँग खिचेको तस्वीरसमेत राखेका छन् ।
धादिङ तरुण दल अध्यक्ष लागूऔषध कारोवार अभियोगमा पक्राउ
0 comments:
Post a Comment