९ भदौ, ताप्लेजुङ । ताप्लेजुङ सदरमुकाम फुङ्लिङ नजिकै रहेका दुईवटा गुम्बाबाट चौथो पटक दानपेटिका चोरी भएको छ ।
प्रहरीका अनुसार बुधबार राति गुम्बाको ढोका फोडेर भित्र रहेको दानपेटिका चोरी भएको हो । रातको मौका छोपेर चोरी भएको बताइएको छ । लामो समयदेखि नखोली राखिएको दानपेटिकामा धेरै रकम जम्मा भएको अनुमान गरिए पनि के कति रकम थियो भन्ने यकिन नभएको बताइएको छ ।
यसअघि पनि विभिन्न समयमा गुम्बाबाट दानपेटिका चोरी भएको थियो । पछिल्लो समयमा यसरी धार्मिक क्षेत्रमा नै प्रवेश गरेर पटकपटक चोरी हुने गरेपनि खोजीकार्य गर्दा चोरी गर्नेको पहिचान भने हुन सकेको छैन ।
गुम्बाबाट दानपेटिका चोरी
0 comments:
Post a Comment