३ भदौ, झापा । बोलबम जान्छु भनेर साथीहरुसँग निस्किएका विर्तामोड-२, चारपानेका दिगान थापालाई १२ दिनपछि फेला पारिएको छ । उनलाई प्रहरी र स्थानीयवासीको टोलीले बिहीबार साँझ फेला पारेको हो ।
अचेत अवस्थामा रहेका उनलाई खोंचबाट प्रहरीले उद्धार गरिएको हो । उनलाई साँझ नै विर्तामोडस्थित वी एण्ड सी हस्पिटलमा उपचारका लागि ल्याइएको छ ।
साउन २३ गते राति करिब ११ बजे उनी घरबाट निस्किएका थिए । उनीसँगै साथी मिलन गुरुङ पनि थिए । त्यसपछि उनीहरु सताक्षीधाम मन्दिर छेउमा मोटरसाइकल राखेर झरनातिर गएका थिए ।
आफू निक्कै गलेको भन्दै साथी मिलन माथिल्लो झरना गएनन् । तर, दिगान भने गए । त्यसबेला नै उनी भिरबाट लडेर खोंचमा परेको हुनसक्ने अनुमान गरिएको थियो ।
बोलबम जाँदा हराएका दिगान १२ दिनपछि भेटिए
0 comments:
Post a Comment