२९ साउन, मोरङ । मधेसी जनअधिकार फोरम लोकतान्त्रिकका अध्यक्ष विजयकुमार गच्छदारले का+ग्रेस–माओवादी केन्द्रसँग मधेसी मोर्चाले गरेको तीनबुँदे सहमति मधेसको हितमा नभएको दाबी गरेका छन् ।
विराटनगर विमानस्थलमा पत्रकारहरूसँग कुराकानी गर्दै गच्छदारले मधेसी मोर्चाले प्रधानमन्त्री हटाउन र प्रधानमन्त्री बनाउन मात्र तीनबुँदे सहमति गरेको आरोप लगाए ।
मधेसको समस्या समाधान गर्न र संविधानको सफल कार्यान्वयनका लागि पनि प्रमुख दलहरू कांग्रेस, एमाले, माओवादी र मधेसी मोर्चाबीच सहमति आवश्यक रहेको उनले बताए । कांग्रेस र माओवादी मिलेर सरकार बनाउँदैमा समस्याको समाधान नहुने उनले बताए ।
फोरम लोकतान्त्रिकका अध्यक्ष गच्छदारले आफ्नो पार्टीलाई सरकारमा सहभागी हुन नदिन केही पार्टी र केही ठूला व्यक्तिले षड्यन्त्र गरिरहेको बताए ।
तीनबुँदे सहमति मधेसको हितमा छैन: गच्छदार
0 comments:
Post a Comment