२९ साउन, वालिङ । गत आर्थिक वर्ष २०७२/०७३ मा स्याङ्जामा २६२ वटा नयाँ उद्योग दर्ता भएका छन् ।
कार्यालयबाट सोही अवधिमा नयाँ वाणिज्य व्यवसाय २६९ वटा दर्ता भएका घरेलु तथा साना उद्योग विकास समितिका प्रमुख उद्योग अधिकृत शिवशङ्कर बानियाँले बताए ।
जिल्लामा उद्योग दर्ता भएको विवरणअनुसार कुल सङ्ख्यामा ४१ जना महिलाको स्वामित्व रहने गरी उद्योग दर्ता भएको छ भने पुरुष उद्यमीको सङ्ख्या २५१ छ । दर्ता भएका विभिन्न २६२ उद्योगमा उद्यमीबाट कुल पुँजी रु २४ करोड ५५ लाख ५६ हजार २२ लगानी हुनेछ ।
दर्ता भएका उद्योगबाट २९५ जना महिलाले र ५८७ जना पुरुषले रोजगारी पाउने छन् । आव २०७२÷०७३ को अवधिमा उद्योग प्रशासन सेवा र वाणिज्य प्रशासन सेवाबाट कुल राजस्व रु ४१ लाख ६६ हजार ८२५ सङ्कलन भएको कार्यालय प्रमुख बानियाँले बताए ।
स्याङ्जामा २६२ नयाँ उद्योग
0 comments:
Post a Comment