६ साउन, काठमाडौं । मुख्य दलका शीर्ष नेताहरुबीच सहमति नजुटेपछि व्यवस्थापिका संसद बैठक शुक्रबार दिउँसो दुई बजेसम्मका लागि स्थगित भएको छ ।
नेपाली कांग्रेस, नेकपा एमाले र माओवादीबीच अविश्वासको प्रस्ताव पहिले छलफल गराउने कि बजेटका आश्रित विधेयकमा छलफल चलाउने भन्नेमा विवाद छ ।
यही विवादका कारण बिहीबार बिहान एघार बजे बस्ने भनिएको संसद बैठक दिउँसो दुई बजेसम्म सारिएको थियो । त्यसबिचमा सभामुख ओनसरी घर्तीले सहमतिको प्रयास गरेकी थिइन् । तर, सहमति नजुटेपछि संसद बैठक शुक्रबारसम्मका लागि स्थगित गरिएको हो ।
(यसअघि शुक्रबार बस्ने संसद बैठकको समय अन्यथा पर्न गएकोमा क्षमाप्रार्थीसहित सच्याएका छौं । सं.)
संसद बैठक शुक्रबार दुई बजेसम्मलाई स्थगित
0 comments:
Post a Comment