२० असार, काठमाडौं । उपराष्ट्रपति नन्दबहादुर पुन ‘पासाङ’ले नेपालको मुहार परिवर्तन गर्न कृषि कर्ममा युवाहरुको सहभागीता अनिवार्य रहेको बताएका छन् ।
यसलाई अगाडि बढाउन सरकारले उचित कार्यक्रमहरु ल्याउनु पर्ने र युवाहरुको प्रतिनिधित्व र निर्णायक भूमिका रहनुपर्ने उनले बताए ।
सम्मेलनलाई सम्बोधन गर्दै कृषि मन्त्री हरिबोल गजुरेलले ०४६ पछि नेपालमा पहिलोपटक कृषिले प्राथमिकता पाएको दाबी गरे । यो वर्षबाट कृषकको बीमा गरिने र कृषिलाई व्यवसायीकरणका लागि आधारहरु तय गरिने उनले बताए ।
कार्यक्रममा नेपालस्थित इजरायली राजदूत यारोन मायरले इजरालले नेपालसँगै अझै सहकार्य गर्न तयार रहेको बताए । उनले इजरालको प्रविधि नेपाल भित्र्याउनका लागि नयाँ सहमति गर्न पनि आफूहरु तयार रहेको बताए ।
प्रथम युवा कृषि उद्यम सम्मेलनमा ५० जिल्लाबाट १ सय ५० जना युवा कृषक र उद्यमीहरुको सहभागिता छ । कार्यक्रम दुई दिनसम्म चल्ने फोर एच नेपालका अध्यक्ष लोकराज अवस्थीले जानकारी दिए ।
कृषि व्यवसाय राष्ट्र निर्माणको आधारः उपराष्ट्रपति पुन
0 comments:
Post a Comment